Օլիմպիական մեդալների իսկական հրավառություն

Հայաստանի աշակերտները շարունակում են պատվով հանդես գալ միջազգային աշակերտական օլիմպիադաներին:

Այսօր հայտնի դարձավ, որ մերոնք նվաճել են միանգամից ևս ԻՆԸ (!) մեդալ:

<<Ինֆորմատիկա>> առարկայի 26-րդ միջազգային օլիմպիադան կայացավ հուլիսի 13-ից 19-ը Թայվանում: Հայ աշակերտները նվաճեցին չորս մեդալ` երկու արծաթե և երկու բրոնզե:

<<Ֆիզիկա>> առարկայի 45-րդ միջազգային օլիմպիադան տեղի է ունենում հուլիսի 13-ից 21-ը Ղազախստանում: Թեպետ մրցությունը դեռ չի ավարտվել, բայց արդեն հայտնի է, որ մեր սաները նվաճում են հինգ մեդալ` երեք արծաթե և երկու բրոնզե:

Սրտանց շնորհավորում եմ մեր երեխաներին,որոնք ուղղակի աննախադեպ արդյունք են ցույց տալիս այս տարի: Կեցցեք դուք, ձեր ուսուցիչները, ծնողները և թիմերի մարզիչները:

Հերոսների անունները կհրապարակենք երկուշաբթի:

Այս պահին միջազգային առարկայական օլիմպիադաներին Հայաստանն արդեն նվաճել 15 մեդալ:

Մաղթենք, որ հաղթանակների էստաֆետը փոխանցվի մեր քիմիկոսների և աստղագետների թիմերին:

ԱՌԱՋ, ՀԱՅԱՍՏԱՆ: