Իրանը հասանելիություն կստանա սառեցված հաշիվներից 2.8 մլրդ դոլարին
13:36 , 19 հուլիս, 2014
1in.am-ը գրում է.
Իրանը միջուկային ծրագրի շուրջ բանակցությունների ընթացքում հասանելիություն կստանա սառեցված ակտիվներից 2.8 մլրդ դոլարին՝ հայտարարել է ԱՄՆ պետքարտուղար Ջոն Քերին: Հաշիվների ապասառեցումը տեղի կունենա բանակցությունների 4-ամսյա ժամանակահատվածում: Այս մասին փոխանցում է BBC-ն:
«Մենք կշարունակենք դադարեցնել պատժամիջոցների գործողությունը ու Իրանին հասանելիություն կտրամադրենք նրա սառեցված հաշիվներից 2.8 մլրդ դոլարին»,- հայտարարել է Քերին:
Բացի այդ, նա ընդգծել է, որ Իրանի սառեցված նավթային եկամուտների ճնշող մեծամասնությունը կմնա անհասանելի: