«Բավարիա»-ն նոր մարտահրավեր է ինձ համար. Լևանդովսկի
19:30 , 9 հուլիս, 2014
1in.am-ը գրում է.
Ինչպես արդեն տեղեկացրել ենք, այօր տեղի է ունեցել լեհ հարձակվող Ռոբերտ Լևանդովսկու շնորհանդեսը: Որպես «Բավարիա»-ի ֆուտբոլիստ ներկայացվելուց հետո տեղի ունեցավ նրա մամլո ասուլիսը:
«Ինձ շատ լավ եմ զգում: Վայելել եմ հանգիստս ու պատրաստ եմ նոր մրցաշրջանին: Դորտմունդում անցկացրած 4 տարիներից հետո հաջորդ քայլը կատարելու ժամանակն էր: «Բավարիա»-ն նոր մարտահրավեր է ինձ համար»,- հայտարարել է Լևանդովսկին:
25-ամյա հարձակվողը Բունդեսլիգայի նախորդ մրցաշրջանում անցկացրած 33 խաղերում խփել է 20 գոլ ու կատարել 11 գոլային փոխանցում:
Լևանդովսկին իր նոր ակումբում հանդես է գալու 9 համարի մարզահագուստով: