Լուիս Սուարեսը ներողություն է խնդրել

Ուրուգվայի հավաքականի ֆուտբոլիստ Լուիս Սուարեսը թվիթերյան իր էջում գրում է.

Ընտանիքիս հետ մի քանի օր անցկացնելուց հետո հանգստությունս վերագտնելու հնարավորություն ունեցա և հասկանալու, թե ինչ էր իրականում տեղի ունեցել 2014թ. հունիսի 24-ին Իտալիա-Ուրուգվայ հանդիպման ժամանակ: Վերջին օրերին հակասական հայտարարությունների էին հնչում կատարվածի մասին, սակայն իրականությունն այն է, որ Ջորջիո Չելինին ինձ հետ բախման արդյունքում վնասվածք է ստացել: Այդ իսկ պատճառով՝

. Խորապես զղջում եմ կատարվածի համար,

. Ներողություն եմ խնդրում Ջորջիո Չելինիից և ֆուտբոլային ողջ ընտանիքից,

. Հրապարակային խոստանում եմ, որ այլևս երբեք նման բան չի կրկնվի: