Անօթևան տղամարդու դիմանկարը արժանացել է Դիմանկարի բրիտանական մրցանակի

1in.am-ը գրում է.

Գերմանացի նկարիչ Թոմաս Հանտերի «Մտրակով մարդը» կտավն արժանացել է դիմանկարների 2014թ. բրիտանական մրցանակի՝ հայտնում է The Telegraph-ը:

Դիմանկարն ստեղծելիս Հանտերի համար որպես բնորդ է ծառայել Կարել անունով իսկական անօթևանը, որը գումար է վաստակում մեքենաներ լվանալով: Նկարիչը նրան հանդիպել էր Ֆրանկֆուրտում՝ Շտադել թանգարան հաճախելիս:

Նկարիչը հիացել էր նրա ու հին վարպետների կտավներում պատկերված մարդկանց արտաքին նմանությամբ:

Այս մրցանակը շնորհվում է արդեն 25-րդ անգամ: Այս տարի մրցանակային ֆոնդը կազմել է 30 հազար ֆունտ ստերլինգ: