Չեմ ուզում զբոսաշրջիկի պես գնալ իմ երկրի գերված հատվածը

Միշտ ցանկացել եմ լինել Արևմտյան Հայաստանում, տեսնել Էրգիրը, բայց միշտ ինչ-որ բան պահել է ինձ դա անելուց: Այժմ շատ մատչելի է այնտեղ գնալը, թե ֆիզիկական իմաստով թե ֆինանսական: Այնտեղ, որպես զբոսաշրջիկ գնացողներին չեմ դատապարտում, անգամ ինչ-որ տեղ մի փոքր նախանձել եմ, որ իրենք տեսել են, բայց ինձ համար սկզբունքային հարց է, որ զբոսաշրջիկի պես չգնամ իմ երկրի գերված հատվածը: Իմ տուն որպես հյուր չգնամ, չտեսնեմ իմ քաղաքների և գյուղերի վրա թուրքական դրոշ: Երնեկ տեսնողներին, բայց ոչ երնեկ, որ այդ ամենը տեսել են Թուրքիայի դրոշի տակ: