Երբ անպիտան շշերը վերածվում են արվեստի ստեղծագործությունների. ֆոտոշարք
16:42 , 21 հունիս, 2014Ջիմ Դինջիլիանը աներևակայելի գեղեցիկ նկարներ է պատկերում ծխածածկ շշերի մեջ: Նկարիչը նախևառաջ ծխով է լցնում շշերի ներսի մասը: Հետագայում նա օգտագործում է վրձիններ ու խցաբութակներ՝ շշերի ներսում տարբեր տեսարաններ պատկերելու համար: Նա ներկեր չի օգտագործում, նրա միակ «ներկը» ծուխն է:
Դինջիլիանը ծնվել է Փենսիլվանիա նահանգի Յորք քաղաքում, սակայն իր մանկության 7 տարիներն անցկացրել է Բելգիայում: Այնուհետև վերադարձել է Ամերիկա և նկարչական կրթություն ստացել այնտեղ: Ջիմ Դինջիլիանի մանրակերտ ստեղծագործություններում հիմնականում քաղաքային տեսարաններ են պատկերված: Այդ ստեղծագործությունների մեջ ինչ-որ խորհրդավոր բան կա: Այս տաղանդաշատ նկարիչը իր ստեղծագործությունների համար օգտագործվող շշերը գտնում է դրսից: Փողոցի անկյունում դրված դատարկ շշերը Դինջիլիանի հմուտ ձեռքերում դառնում են արվեստի գործեր: Նկարիչն ասում է, որ ինքն իր հիշողություններն է անմահացնում դատարկ շշերում:
