Յուրա Մովսիսյանը` «Լեսթեր»-ի ուշադրության կենտրոնում

1in.am-ը գրում է.

Անգլիական «Լեսթեր» ակումբը հետաքրքրված է Մոսկվայի «Սպարտակ»-ի և Հայաստանի հավաքականի հարձակվող Յուրա Մովսիսյանի ծառայություններով: Այդ մասին հայտնում է Daily Mail-ը:

Ենթադրվում է, որ մոսկովյան ակումբը կհրաժարվի հարձակվողի ծառայություններից 7 մլն ֆունտի դիմաց: Հիշեցնենք, որ ավելի վաղ տարածված տեղեկությունների համաձայն` 26-ամյա ֆուտբոլիստի ծառայություններով են հետաքրքրված նաև «Վեսթ Բրոմվիչ»-ն ու «Լիվերպուլ»-ը:

Ռուսաստանի Պրեմիեր Լիգայի նախորդ մրցաշրջանում Մովսիսյանը մասնակցել է 27 հանդիպումների և 16 գոլ հեղինակել: