Բրիտանացի գիտնականները սուրճի մրուրից կենսավառելիք են ստացել

1in.am-ը գրում է.

Բատա համալսարանի բրիտանացի գիտնականները սուրճի նստվածքից ստեղծել են կենսավառելիք, գրում է The Times-ը:

«Ամեն տարի աշխարհում արտադրվում է 8 մլն տոննա սուրճ, որը հնարավոր է վերածել մոտավորապես 1,3 մլրդ լիտր կենսավառելիքի», հայտարարել է հետազոտությունը ղեկավարող քիմիկոս Քրիս Չակը:

Գիտնականների խոսքով՝ ամեն օր միջին սրճարանից մնում է մոտ 10 կգ սուրճի մրուր, որից հնարավոր է ստանալ 2 լիտր կենսավառելիք:

Ինչպես նշում են փորձագետները, արտադրության համար հարմար են սուրճի տարբեր տեսակներ՝ բարձրորակ արաբիկայից մինչև ռոբուստա: