Անդադար ծիծաղող աղջիկը հանդարտվել է գլխուղեղի վիրահատությունից հետո
22:10 , 16 հունիս, 2014
1in.am-ը գրում է.
Բոլիվիայի նեյրովիրաբույժներին հաջողվել է բուժել տեղի 6 տարեկան աղջկան, որն ի ծնե տառապել է բացառիկ հիվանդությամբ՝ առանց պատճառի նա անդադար ծիծաղել է:
Տոմոգրաֆիայի օգնությամբ բժիշկներին՝ Լիդերս Բուրգոսի գլխավորությամբ, հաջողվել է պարզել, որ աղջկա գլխուղեղում կա ուռուցք, որը և առաջացրել է ծիծաղի անզուսպ նոպաներ:
Վիրահատական միջամտությունից հետո աղջիկը դադարել է առանց պատճառի ծիծաղել ու վերադարձել է նորմալ կենսակերպի՝ նկատում են բժիշկները: Վիրահատության մասին հոդվածը հրապարակված է Ecancer ամսագրում: