Մեկ օրվա ընթացքում Ուկրաինայի հարավ-արևելքում ավելի քան 250 աշխարհազորային է սպանվել. ՊՆ
23:12 , 14 հունիս, 2014
1in.am-ը գրում է.
Ուկրաինայի պաշտպանության նախարարի պաշտոնակատար Միխայիլ Կովալը հայտարարել է, որ հատուկ գործողությունների գոտում մեկ օրվա ընթացքում երկրի հարավ-արևելքում ավելի քան 250 աշխարհազորային է սպանվել: Այս մասին գրում է Ria Novosti-ն` վկայակոչելով Ուկրաինայի նախագահի կայքը:
Շաբաթ օրը Ուկրաինայի նախագահ Պյոտր Պորոշենկոն ազգային անվտանգության և պաշտպանության խորհրդի նիստ է գումարել, որի համար պատճառ է հանդիսացել աշխարհազորայինների կողմից IL-76 ինքնաթիռին հարվածելը:
«Պաշտպանության նախարարի պաշտոնակատարը հանդիպման ժամանակ զեկուցել է, որ վերջին օրվա ընթացքում հակաահաբեկչական գործողությունների գոտում ապօրինի զինված խմբավորումների ավելի քան 250 մասնակից է զոհվել»,- ասվում է հաղորդագրությունում: