ՄԱԿ-ը պատրաստում է երկու օդային կամուրջ՝ իրաքցի փախստականներին պարեն մատակարարելու համար
09:22 , 13 հունիս, 2014
1in.am-ը գրում է.
ՄԱԿ-ի համաշխարհային պարենային ծրագիրը սկսում է օգնություն ցուցաբերել Մոսուլ քաղաքից փախած իրաքցիներին: Հիշեցնենք. քաղաքը հայտնվել է զինված ծայրահեղականների վերահսկողության տակ: Նախևառաջ՝ ուտելիք կստանան 42 հազար ամենակարիքավոր ներքին տեղահանվածները: Այս մասին գրում է ITAR-TASS-ը՝ վկայակոչելով մարդասիրական կազմակերպության հաղորդագրությունը:
Ներկայումս երկու օդային կամուրջ է պատրաստվում, որի օգնությամբ Դուբայի (ԱՄԷ) և Բրինդիզայի (Իտալիա) պահեստներից Իրաքի Քրդստանի Էրբիլ քաղաք կհասցվի 550 տոննա պարեն, ինչպես նաև այլ պարագաներ:
Կազմակերպությունը նաև Իրաքի Քրդստան կուղարկի իր աշխատակիցներին, որտեղ ապաստանել են հարյուր հազարավոր մարդիկ: Նրանք պետք է գնահատեն իրավիճակը` հետագայում մարդկանց պարենային պահանջմունքները հստակեցնելու համար: