«Քաղաքում» սերիալում Մխոյին մարմնավորող դերասան Հովհաննես Դավթյանն այժմ հանդես է գալիս նաև հումորայի մոնոներկայացումներով, ասում է՝ ուզում է կատակերգական ժանրում ներկայանալով՝ հանդիսատեսին խորհելու առիթ տալ:Life.panorama.am-ը դերասանի հետ զրուցել է նրա առաջիկա ծրագրերի, թատրոնից դուրս գալու պատճառների, ընտանիք կազմելու և այլ հարցերի շուրջ:
-Բացի սերիալում նկարահանվելը՝ այժմ է՞լ ինչով եք զբաղված:
-Սերիալում նկարահանվելուն զուգահեռ տարբեր ակումբներում հանդես եմ գալիս հումորային ժանրի մոնոներկայացումներով: Հիմա աստիճանաբար փորձում ենք դրանք տեղափոխել նաև թատրոնի բեմ:
-Թատրոնում կրկին հանդես գալու նպատակ չունե՞ք:
-Դրա համար ժամանակ չունեմ, գուցե տարիներ հետո, երբ ժամանակ լինի, պահը հասունանա, հանդես գամ որևէ թատրոնում: Իսկ այժմ մոնոներկայացումներն ավելի հեռանկարային եմ համարում: Ավելի լավ է հանդես գալ stand up ժանրի ներկայացմամբ, քան թատրոնում խաղալ մասսայական տեսարաններում ու ոչ մի առաջընթաց չունենալ:
-Եթե ֆինանսի խնդիր չունենայիք, կշարունակեի՞ք նկարահանվել սերիալում:
-Ես ֆինանսապես ապահովված եմ, փառք Աստծո, պարզապես սերիալը դերասանին «չժանգոտելու» հնարավորություն է տալիս:
-Երբ ձեզ կերպարի անունով են դիմում, չե՞ք նյարդայնանում:
-Դա ինձ չի նեղացնում կամ զայրացնում, հասկանում եմ այդ մարդկանց, բայց կուզեմ և ամեն ինչ անում եմ, որ տարիների ընթացքում ինձ ճանաչեն որպես դերասան Հովհաննես Դավթյան: