Մոլդովայի և ԵՄ-ի համաձայնագիրը կարող է բարդացնել Ռուսաստանի հետ այդ երկրի փոխհարաբերությունները. ՌԴ ԱԳՆ

1in.am-ը գրում է.

Մոլդովայի կողմից Եվրամիության հետ Ասոցացման համաձայնագրի ստորագրումը կարող է հավելյալ բարդություններ առաջացնել այդ հանրապետության և Ռուսաստանի միջև փոխհարաբերություններում: Այս մասին գրում է ITAR-TASS-ը` վկայակոչելով Ռուսաստանի ԱԳՆ-ին:

«Նշվում է երկու երկրների՝ հունիսի 9-10-ը Քիշնևում կայանալիք տնտեսական գերատեսչությունների փորձագետների խորհրդակցության կարևորությունը, որոնք կօգնեն կոնկրետացնել հետագա փոխազդեցության պայմանները` առանց լուրջ խնդիրների: Երկու կողմերն էլ հետաքրքություն են դրսևորել, որ խորհրդակցություններն առավելագույնս առարկայական լինեն»,- ասել են ՌԴ ԱԳՆ-ում:

Ռուսաստանի փոխարտգործնախարար Գրիգորի Կարասինը խորհրդակցություններ է անցկացրել Մոլդովայի ԱԳՆ-ում, հանդիպել է երկրի արտաքին գործերի նախարար Նատալյա Գերմանի, վարչապետ Յուրի Լյանկեի հետ: Նշվում է, որ զրույցի ընթացքում կարևորվել են դինամիկ փոխհարաբերությունները, ինչպես նաև քաղաքական երկխոսությունը: