Ստավանգերի գերմրցաշար. Արոնյանը պարտություն կրեց

1in.am-ը գրում է.

Նորվեգիայի Ստավանգեր քաղաքում ընթացող շախմատային գերմրցաշարի 3-րդ տուրում Լևոն Արոնյանի մրցակիցն էր ռուս գրոսմայստեր Ալեքսանդր Գրիշչյուկը:

Հայկական շախմատի առաջատարը, ցավոք, պարտություն կրեց: Սպիտակներով խաղացող Գրիշչյուկը պարտիայի 40-րդ քայլում ստիպեց Արոնյանին հանձնվել:

Հիշեցնենք, որ գերմրցաշարի 1-ին տուրում Արոնյանը սպիտակներով ոչ-ոքի էր խաղացել Սայմոն Ագդեշտեյնի հետ, իսկ երեկ կայացած 2-րդ տուրում սևերով պարտության էր մատնել ռուս գրոսմայստեր Սերգեյ Կարյակինին:

Մրցաշարի 3 տուրերից հետո Արոնյանը իր ակտիվում ունի 1,5 միավոր:

Արոնյան – Գրիշչյուկ՝ 0:1