Պաշտոնական. Անգլիայի հավաքականի հարձակվողը տեղափոխվեց «Լիվերպուլ»
15:52 , 2 հունիս, 2014
1in.am-ը գրում է.
Անգլիայի ազգային հավաքականի հարձակվող Ռիկի Լամբերտն այսօր պաշտոնապես տեղափոխվել է «Լիվերպուլ»:
«Լիվերպուլ»-ի պաշտոնական կայքի փոխանցմամբ՝ բուժզննում անցնելուց հետո հարձակվողը պայմանագիր է կնքել:
«Միշտ երազել եմ հանդես գալ «Լիվերպուլ»-ում և կարծում էի, որ այստեղ խաղալու հնարավորություն այլևս չեմ ունենա: Գիտեմ՝ որքան մեծ ակումբ եմ տեղափոխվել»,- հայտարարել է Լամբերտը:
32-ամյա հարձակվողը «Սաութհեմփթոն»-ի կազմում անցկացրել է 235 խաղ ու խփել 117 գոլ: Լամբերտն այսօր կմիանա Անգլիայի հավաքականին և կշարունակի նախապատրաստվել «Մունդիալ-2014»-ին: