Բազարչյան. Հայաստանում ծխելու հետևանքով տարեկան մահանում է 3-4 հազար մարդ
13:41 , 31 մայիս, 2014Panorama.am-ը գրում է.
Առողջապահության համաշխարհային կազմակերպության անդամ երկրները մայիսի 31-ին նշում են «Առանց ծխախոտի» համաշխարհային օրը: ԱՀԿ-ն այս օրը նշում է 1988 թվականից, իսկ Հայաստանը` 2000-ից:
Ինչպես այսօր լրագրողների հետ հանդիպման ժամանակ նշեց ՀՀ առողջապահության նախարարի տեղակալ Սերգեյ Խաչատրյանը, մեր երկրում ծխախոտի դեմ պայքարն ամեն տարի նոր թափ է ստանում:
Ըստ նրա` ինչպես աշխարհի շատ երկրներում, այնպես էլ Հայաստանի Հանրապետությունում ծխախոտի օգտագործումը և դրա հետևանքով առաջացած հիվանդացության և մահացության բարձր ցուցանիշներն առողջապահական և տնտեսական լուրջ խնդիրներ են ստեղծում: Ծխախոտի օգտագործումը մահվան ամենամեծ կանխարգելելի պատճառն է: Համաձայն Առողջապահության համաշխարհային կազմակերպության հաշվարկների` աշխարում յուրաքանչյուր 6 վայրկյանը մեկ ծխախոտի հետևանքով առաջացած հիվանդություններից մարդ է մահանում:
Ուստի, Ս.Խաչատրյանի խոսքերով, ծխելու դեմ պայքարի գործում նախարարության, ինչպես նաև մի շարք հասարակական կազմակերպությունների կողմից իրականացվող աշխատանքը միտված է առաջին հերթին նոր մշակույթ ձևավորելուն:
Միջոցառման ընթացքում լրագրողների ուշադրությանը ներկայացվեց հեռուստալրագրող Դավիթ Պետրոսյանի հեղինակած, ՀՀ նախագահի կողմից Հայաստանի երիտասարդական հիմնադրամին տրամադրված դրամաշնորհային ծրագրի շրջանակում նկարահանված հատուկ ֆիլմ, որում անվանի հասարակական-մշակութային գործիչները` Արթուր Իսպիրյանը, Եգոր Գլումովը և իրենց ընտանիքի անդամները խոսում էին առողջ ապրելակերպի մասին` կոչ անելով հանրությանը խուսափել ծխելուց և դրա բացասական հետևանքներից:
Ամբողջական հոդվածը կարող եք կարդալ այստեղ