Իրանի նախագահը միջուկային հարցում հաղթանակի համար ազգային միասնության կոչ է արել
16:16 , 24 մայիս, 2014
1in.am-ը գրում է.
Իրանի նախագահ Հասան Ռուհանին Խորեմշեհեր քաղաքի ազատագրման կապակցությամբ ժողովրդին ուղղված ուղերձում կոչ է արել ազգային միասնության, որպեսզի երկրի միջուկային ծրագրի շուրջ Արևմուտքի հետ վեճում հասնեն հաղթանակի: Այս մասին այսօր հաղորդել է Իրանի IRIB պետական հեռուստաալիքը։
Իրանը ամեն տարի մայիսի 24-ին տոնում է նավահանգստային քաղաք Խորեմշեհիրի ազատագրման օրը, որը իրանա-իրաքյան պատերազմի ժամանակ, 1982 թվականին ազատագրվեց իրաքցիներից։ Վերջինները քաղաքը գրավել էին պատերազմի սկզբին՝ 1980-ի հոկտեմբերի 26-ին։
«Մենք թույլ չենք տա թշնամիներին արհամարհել մեր խաղաղ միջուկային իրավունքները»,- ասել է Ռուհանին։
Նախագահի խոսքերով՝ Իրանի գերագույն առաջնորդ Ալի Խամենեիի ղեկավարությամբ և ազգային միասնության պարագայում հաթանակը հնարավոր է։