Թբիլիսիում տեղի է ունենում բողոքի ակցիա ընդդեմ միասեռ ամուսնությունների

1in.am-ը գրում է.

Թբիլիսիում սկսվել է միասեռ ամուսնությունների հակառակորդների երթ՝ գրում է trend.az-ը:

Մի քանի հարյուր մարդ է հավաքվել Թբիլիսիի Մեծ համերգասրահին հարակից տարածքում: Նրանք բողոքում են միասեռ ամուսնությունների ու ֆեմինիզմի ծայրահեղ քարոզչության դեմ:

Միջոցառման կազմակերպիչ Բեկի Ցխաձեի խոսքով՝ ավանդական ընտանիքի պաշտպանների երթին են միացել նաև Վրաստանի շրջանների բնակիչները:

Վրաստանի կաթողիկոս Իլյա 2-րդը մայիսի 17-ը հայտարարել է Ընտանիքի ամրության ու ծնողների հարգանքի օր:

Ակցիայի մասնակիցները ուղևորվում են Սուրբ Երրորդության մայր տաճար՝ մասնակցելու պատարագին: