2000 թ.-ից սկսած, տուարեգներն ամուր արմատավորվել են Իտալիայում՝ մեկը մյուսի հետևից ժամանալով Նիգերի Ագադես շրջանից: Եվրոպայի տարածքում ավենից շատ տուարեգները բնակվում են իտալական Պորդենոնե քաղաքի Ֆրիուլի համայնքում:
Այսօր այստեղ ավելի քան 150 տուարեգ կա: Նույնիսկ ապրելով օտար երկրում՝ նրանք շարունակում են իրենց ավանդույթներն ու սովորույթները: Տուարեգները սերտորեն կապված են սեփական մշակույթին, որը ցուցադրում են հայրենակիցների հետ հանդիպումների ժամանակ:
Տուարեգները իսլամ են դավանում, հարգում են իրենց կրոնը, սակայն նրանց արմատական համարել չի կարելի: Տուարեգների կանայք փարանջա չեն կրում: Տուարեգների մոտ մայրիշխանություն է: Նրանց հայրենիքում ընտանիքները ղեկավարում են կանայք, իսկ տղամարդիկ անապատում անասնապահությամբ են զբաղվում:
Իտալիայում տուարեգների ավանդույթները նույնպես չեն փոփոխվում: Նրանք հիմնականում ապրում են մեծ ընտանիքներով, կրում են իրենց ազգային հագուստը, սնվում են ազգային ճաշատեսակներով, ճաշից առաջ տղամարդիկ աղոթում են, իսկ պատրաստելու ժամանակ կանայք երգում և պարում են հենց խոհանոցում: