«Պրեմիերա» նախագծում հաղթանակ տարած երգչուհին՝ Լենա Ղազարյանը, արդեն հասցրել է երկրպագուների բանակ հավաքել. այդ են վկայում նրա անունով սոցցանցերում ստեղծված «ֆան» էջերը: Քչերը գիտեն, որ Լենան ընդամենը 17 տարեկան է, և, չնայած այդ տարիքին, հասցրել է հայկական երգարվեստում իր հետքը թողնել: Life.panorama.am-ը Լենայի հետ զրուցել է նրա հետագա ծրագրերի, մրցույթների կարևորության մասին, ինչպես նաև իմացել է մի քանի գաղտնիքներ, որոնք առնչվում են խորհրդավոր երկրպագուներին:
-«Պրեմիերա» նախագծում տարած հաղթանակից հետո ո՞րը եղավ ձեր հաջորդ
նպատակը՝ երգարվեստի ոլորտում:
-Հաղթանակը մեծ լիցքեր տվեց և ոգևորեց, որ ավելի շատ աշխատեմ երգարվեստի ասպարեզում: Ասեմ, որ շուտով կլինեն նոր երգեր ու տեսահոլովակներ, բայց դեռևս փակագծերը չեմ բացի:
-Հայաստանում երաժշտական մրցույթները երիտասարդ երգիչների համար ի՞նչ
նոր դռներ են բացում:
-Շատ մեծ դռներ են բացում: Երբ սկսեցի մրցույթների մասնակցել, շփվեցի պրոֆեսիոնալ անձնակազմի, ղեկավարի հետ և նրանց հետ աշխատելով՝ փոքր-ինչ կայացա:
-Կա՞ մի երաժշտական մրցույթ, որ ծրագրում եք հաջորդիվ մասնակցել:
-Դեռ ոչ:
-Ինքներդ երգեր գրու՞մ եք: Եթե այո՝ ե՞րբ դրանք կհանրայնացնեք:
-Երգեր գրում եմ, բայց դեռ ռիսկ չեմ անում ներկայացնել հանրությանը, երբ վստահ կլինեմ, որ դրանք կսիրվեն, գուցե այդ ժամանակ հանրայնացնեմ: