18 մլն եվրո. Անչելոտին մերժել է «Մանչեսթեր Յունայթեդ»-ի առաջարկը
20:37 , 6 մայիս, 2014
1in.am-ը գրում է.
Իսպանական մամուլի տեղեկություններով՝ «Մանչեսթեր Յունայթեդ»-ն ակտիվորեն հետաքրքրվում էր Մադրիդի «Ռեալ»-ի գլխավոր մարզիչ Կարլո Անչելոտիի ծառայություններով:
Անգլիական ակումբի ներկայացուցիչները կապ են հաստատել իտալացի մասնագետի հետ՝ նրան առաջարկելով 18 մլն եվրո տարեկան աշխատավարձ: Այնուամենայնիվ, իտալացին չի ցանկացել փոխել ակումբային գրանցումը:
«Ցավում եմ, որ պետք է մերժեմ առաջարկը, բայց ես երջանիկ եմ «Ռեալ»-ում: Աշխատում եմ աշխարհի լավագույն ակումբում»,- առաջարկին պատասխանել է Անչելոտին:
Հիշեցնենք, որ այսօր տեղեկություն էր տարածվել, որ «Յունայթեդ»-ը շուտով կհայտարարի Լուի վան Գալի՝ թիմի գլխավորև մարզչի պաշտոնում նշանակման մասին: