Դոնեցկի օդանավակայանը օդանավերի ընդունում և թռիչք չի իրականացնում
13:12 , 6 մայիս, 2014
1in.am-ը գրում է.
Ուկրաինայի պետական ավիացիոն ծառայության որոշմամբ Դոնեցկի օդանավակայանում օդանավերի ընդունումն ու թռիչքը ժամանակավորապես դադարեցվել են: Այս մասին փոխանցում է BBC-ն:
«Ուկրաինայի պետական ավիացիոն ծառայության կարգադրությամբ օդանավերի ընդունումն ու արձակումը Դոնեցկի օդանավակայանից ժամանակավորպես դադարեցվել է»,-ասվում է օդանավակայանի կայքում:
Օդանավակայանի կայքի առցանց չվացույցում նշված է, որ բոլոր չվերթները չեղյալ են հայտարարվել:
Դոնեցկի մարզում շարունակվում է ուկրաինական բանակի կողմից անցկացվող հատուկ օպերացիան: