Տղամարդուն պատժել են Սելին Դիոնի երգերի նկատմամբ սիրո համար

1in.am-ը գրում է.

47-ամյա բրիտանացի Քենթ Գարեթ Դևիսը տուգանվել է Սելին Դիոնի երգը «Տիտանիկ» ֆիլմից, ինչպես նաև «Խաղալիքների պատմությունը» մուլտֆիլմի երգերն ու Boom Shack-A-Lak կոմպոզիցիան բարձր լսելու համար: Տղամարդու մոտից առգրավվել է փլեյերն ու բարձրախոսներով համակարգիչը, հայտնում է Metro-ն:

Գարեթի հարևանը ոստիկանություն էր կանչել՝ այլևս չդիմանալով ամբողջ օրը երաժշտության բարձր ձայնին:

Որքան էլ տարօրինակ է, ոստիկանները զայրացած բրիտանացու բողոքներին միանգամայն հիմնավոր էին անդրադարձել:

Նրանք առգրավել էին 3 հազար ֆունտ սթեռլինգ արժողությամբ սարքերը, ինչպես նաև CD ու DVD ձայնասկավառակներ:

Վիրավորված բրիտանացին իրեն բռնաճնշումների զոհ է համարում ու պահանջում է իրեն անհապաղ վերադարձնել առգրավված գույքը: