Ուրուգվայը պատրաստվում է մարիխուանայի 1 գրամը վաճառել 1 դոլարով
10:40 , 3 մայիս, 2014
1in.am-ը գրում է.
Ուրուգվայի իշխանությունները հրապարակել են օրենքի նոր նախագիծ, որով կկարգավորվի երկրում մարիխուանայի վաճառքը: Այս մասին գրում է BBC-ն:
Համաձայն փաստաթղթի՝ արտոնագիր ունեցող դեղատները մարիխուանայի մեկ գրամը կվաճառեն մեկ դոլարից ոչ թանկ: Գնորդներին էլ կթույլատրվի ձեռք բերել ամսական առավելագույնը 40 գրամ մարիխուանա:
Օրինագծում նշվում է նաև, որ յուրաքանչյուր տնային տնտեսություն կարող է աճեցնել մարիխուանայի մինչև 6 թուփ: