Հալեպում զոհվել է 1, վիրավրովել մի քանի հայ
10:50 , 1 մայիս, 2014
Lragir.am-ը գրում է.
Ապրիլի 30-ին Հալեպի հայաշատ Նոր Գյուղ, Վիլաներ և այլ շրջաններ հրթիռակոծության են ենթարկվել, տեղեկացնում է Բերիո լուրերի Ֆեյսբուքի էջը:
Հրթիռներից մեկն ընկել է Կարեն Եփփե ազգային ճեմարանի մոտ գտնվող «Օշական» շենքի հարևանությամբ: Պայթյունի հետևանքով վիրավորվել է երկու հայ՝ մեկ պատանի և մեկ մեծահասակ: Պայթյունը զգալի վնաս է հասցրել մոտակա շինություններին:
Երկու հրթիռ ընկել են Նոր Գյուղի մզկիթի մոտ և Զավարյան վարժարանի վրա, որոնք, բարեբախտաբար, չեն պայթել:
Սուլեյմանիե թաղամասում պայթյունի հետևանքով վիրավորվել է Կարեն Եփփե ճեմարանի աշակերտ Խաժակ Ժամկոչյանը: Նա հիվանդանոց է տեղափոխվել, բուժում ստացել և վերադարձել տուն:
Ապրիլի 29-ին էլ Սալամիյե-Հալեպ ճանապարհն կրակոցից սպանվել է Րաֆֆի Հեքիմյանը:
Ապրիլի 30-ին Հալեպում տեղի է ունեցել նաև Դամասկոսում զոհված հայ զինվորական Ուիլյամ Մակարյանի հուղարկավորությունը: