Չինաստանի հյուսիս-արևմուտքում ավազե փոթորիկ է

1in.am-ը գրում է.

Չինաստանի հյուսիս-արևմուտքին չորեքշաբթի երեկոյան ավազե ուժգին փոթորիկ է հարվածել: Տեղի օդերևութաբանական բյուրոյի տվյալներով՝ քամու արագությունը հասել է 120 կմ/ժամի: Տեսանելիությունը նվազել է՝ կազմելով 20 մետր: Այս մասին հայտնում է ITAR-TASS-ը:

Փոթորիկը դասվել է սպառնալիքի ամենաբարձր՝ կարմիր մակարդակին:

Ինչպես հայտնում են օդերևութաբանները՝ վերջին անգամ նման ուժգնությամբ բնական կատակլիզմ Չինաստանին հարվածել էր 1996 թվականին: Ըստ կանխատեսումների՝ ավազե փոթորիկը կհանդարտվի հինգշաբթի երեկոյան: