Կցանկանայի՞ք մեկ օր անցկացնել հսկայական ծառ հիշեցնող այս հյուրանոցում

Սա Հանգ Նգայի հյուրատունն է, որն առավել հայտնի է որպես «Crazy House»: Այս տարօրինակ ճարտարապետությամբ կառույցը նախագծվել և կառուցվել է 1990 թվականին Վիետնամում: Ճարտարապետը Դանգ Վիետ Նգան է: Այն գտնվում է Վիետնամի Դալատ քաղաքում: «Crazy House»-ը կարծես հեքիաթային և անկրկնելի տուն լինի: Այն նման է հսկայական ծառի ̀ կենդանիներ, սնկեր, սարդոստայն հիշեցնող դեկորատիվ աքսեսուարներով: Հյուրանոցը նախագծելիս Դանգը ոգեշնչվել է կատալոնացի հռչակավոր ճարտարապետ Անտոնիո Գաուդիից: Շնորհիվ իր ոչ ստանդարտ ճարտարապետական լուծումների, այս կառույցը համարվում է աշխարհի ամենայուրօրինակ շինություններից մեկը: Վիետնամցիներն այդքան էլ չեն սիրում այս կառույց. այն չափից դուրս ոչ ստանդարտ է: Հյուրանոցի հիմնական այցելուները զբոսաշրջիկներն են: