Ռուսաստանը կվերադառնա ԵԽԽՎ, երբ վերացվեն պատժամիջոցները
17:39 , 18 ապրիլ, 2014Panorama.am-ը գրում է.
Ռուսաստանի Դաշնության Պետդումայի պատգամավորները իրենց դժգոհությունն են հայտնել ԵԽԽՎ-ում Ռուսաստանին ձայնի իրավունքից զրկելու հետ կապված: Այս մասին տեղեկացնում է «Russia Today»-ը:
«ԵԽԽՎ-ում պետք է հասկանան, որ միայն Ռուսաստանի լիակատար մասնակցության դեպքում կարող է այդ մարմինը իր ամբողջական գործունեությունը իրականացնել` որպես համաեվրոպական միջխորհրդարանական համագործակցության մարմին, որը առաջ է մղում հավասարության, օրենքի գերակայության և մարդու իրավունքների պաշտպանության գաղափարները: Ցանկացած ուրիշ տարբերակ հանգեցնելու է քաղաքական փակուղու»,- ասված է հայտարարության մեջ:
Ռուս խորհրդարանականները միաժամանակ անընդունելի են համարել Արևմուտքի կողմից երկակի ստանդարտների կիրառումը ուկրաինական դեպքերի հետ կապված և դատապարտել են Ռուսաստանին միջազգային մեկուսացման մեջ դնելու փորձերը, որոնք դրսևորվում են Ռուսաստանի նկատմամբ կիրառված պատժամիջոցների տեսքով:
Ամբողջական հոդվածը կարող եք կարդալ այստեղ