Ձվի դեֆիցիտ այս պահին չկա

1in.am-ը գրում է.

Հանրապետությունում ձվի դեֆիցիտ այս պահին չկա, իսկ գներն էլ փոքր-ինչ նվազել են: Այս մասին այսօր լրագրողների հետ հանդիպման ժամանակ ասաց «Սպառողների իրավունքների պաշտպանություն» ՀԿ փոխնախագահ Կարեն Չիլինգարյանը: Նրա խոսքով՝ եթե ինչ-որ արտառոց բաներ չլինեն, դժվար թե ձվի շուկայում իրավիճակը փոխվի Զատիկին ընդառաջ: 

Ինչ վերաբերում է Զատիկին մեծ պահանջարկ ունեցող այլ ապրանքներին, օրինակ՝ ձկանը, ապա, ըստ Չիլինգարյանի, այն մի փոքր թանկացել էր դեռևս 1-2 ամիս առաջ և դժվար թե դա կապված լիներ Զատիկի հետ: