ՄԱԿ խաղաղապահներին այժմ անհնար է Ուկրաինա ուղարկել. Պան Գի Մուն

1in.am-ը գրում է.

Ուկրաինա խաղաղապահ ուժեր ուղարկելը ներկա պահին անհնար է: Այս մասին գրում է Ria Novosti-ն՝ հղում անելով ՄԱԿ-ի գլխավոր քարտուղար Պան Գի Մունին:

Նման օպերացիա անցկացնելու խնդրանքով նրան է դիմել Ուկրաինայի նախագահի պաշտոնակատար Ալեքսանդր Տուրչինովը, որին, սակայն, դեմ է արտահայտվել ՌԴ ԱԳ նախարար Սերգեյ Լավրովը:

«Այժմ զինծառայողներ ուղարկելը ես այնքան էլ ընդունելի չեմ համարում»,- հայտարարել է Պան Գի Մունը:

Նա նաև հիշեցրել է, որ դրա համար անհրաժեշտ է ՄԱԿ-ի Անվտանգության խորհրդի մանդատը: