Թուրքիայի դատական համակարգի նկատմամբ վստահությունը նվազում է. երկրի փոխվարչապետ

1in.am-ը գրում է.

Թուրքիայում դատական համակարգի նկատմամբ վստահությունը օր օրի նվազում է, ասել է երկրի վարչապետի տեղակալ Բաշիր Աթալայը, հայտնում է թուրքական Kanal24 հեռուստաալիքը:

Նրա խոսքով՝ անկախ կառույցների կատարած վերջին հարցումները ցույց են տալիս, որ երկրում դատական համակարգի նկատմամբ վստահությունը 45%-ից պակաս է:

«Քաղաքացիների 55%-ը կարծում է, որ դատարանն արդար վճիռներ չի կայացնում»,- նշել է նա:

Աթալայի խոսքով՝ հարցումները նաև ցույց են տվել, որ բնակչության 60%-ը վստահությամբ է վերաբերվում շատ ոլորտներում կառավարության վարած քաղաքականությանը: