ՄԱԿ-ը, ԱՄՀ-ն ու ՀԲ-ն անհանգստացած են կլիմայի փոփոխություններից

1in.am-ը գրում է.

Հանուն կլիմայական փոփոխությունների դեմ պայքարի՝ ՄԱԿ-ը, Արժույթի միջազգային հիմնադրամը (ԱՄՀ) և Համաշխարհային բանկը (ՀԲ) կոչ են արել ֆինանսների նախարարներին հարկեր սահմանել մթնոլորտ արտանետվող ածխաթթու գազի արտանետումների վրա՝ հայտնում է BBC-ի ռուսական ծառայությունը: 

Վաշինգտոնում ամենամյա ֆինանսական ֆորումում ԱՄՀ ղեկավար Քրիստին Լագարդը նույնպես ընդգծել է գազի, նավթի ու ածխի սուբսիդիաների դադարեցման անհրաժեշտությունը:

ՀԲ նախագահ Ջիմ Են Կիմը մտավախություն է հայտնել, որ կլիմայի փոփոխությունները զարգացող երկրներում կկանգնեցնեն տնտեսական աճը: 

ՄԱԿ-ի գլխավոր քարտուղար Պան Գի Մունի խոսքով՝ մարդկությունը հասել է կրիտիկական պահի, երբ հարկավոր է ձեռնարկել անհապաղ միջոցառումներ կլիմայի փոփոխությունների դեմն առնելու համար: