Իսրայելը հետախուզական արբանյակ է արձակել ուղեծիր

1in.am-ը գրում է.

Իսրայելի պաշտպանության նախարարությունն ուղեծիր է արձակել «Օֆեկ-10» հետախուզական արբանյակը՝ գրում է Jerusalem Post պարբերականը:

«Օֆեկ-10»-ն արձակվել է Թել Ավիվից հարավ գտնվող «Պալմահիմ» ռազմաօդային բազայից՝ «Շավիտ» հրթիռակրի օգնությամբ:

Արձակելուց կարճ ժամանակ անց արբանյակը մտել է նախանշված ուղեծիր: Այժմ այն պետք է մի շարք թեստեր անցնի՝ հիմնական համակարգերի գործառույթը ստուգելու համար:

Իսրայելի պաշտպանության նախարարության կարծիքով՝ այս ծրագիրը հնարավորություն կտա արդիականացնելու երկրի ռազմավարական հնարավորությունները: