Պարտությունը շատ ցավալի է. Վացկե
12:45 , 3 ապրիլ, 2014
1in.am-ը գրում է.
Դորտմունդի «Բորուսիա»-ի գործադիր տնօրեն Հանս Յոահիմ Վացկեն հուզված էր Չեմպիոնների Լիգայի գավաթի խաղարկության քառորդ եզրափակիչի` Մադրիդի «Ռեալ»-ի դեմ առաջին խաղից հետո:
«Այս պարտությունը ցավ է պատճառում: Խաղը շատ վատ ընթացավ մեզ համար: Մեր թիմը թույլ տվեց «Ռեալ»-ին օգտագործել առաջին իսկ հնարավորությունը: Այնուհետև մեր հակառակորդը անհավանական անհատակա վարպետություն ցուցադրեց:
Սակայն ես վստահ եմ, որ պատասխան խաղի ժամանակ արժանապատիվ դիմակայություն կցուցաբերենք: «Բորուսիա»-ն կանի ամեն հնարավորը` հաղթանակի հասնելու համար»,- ասել է Վացկեն: