Ուշադրությու՛ն. սպասվում է թաց ձյուն, առանձին հատվածներում` բուք և ցածր տեսանելիություն

04:21 , 3 ապրիլ, 2014

Mes.am-ը գրում է.

Հանրապետության տարածքում``

Ապրիլի 3-ին օրվա երկրորդ կեսին և 4-ի գիշերը հանրապետության լեռնային շրջաններում Լոռիի, Տավուշի և Սյունիքի նախալեռնային գոտիներում սպասվում է թաց ձյուն, ճանապարհներին մերկասառույց, առանձին հատվածներում բուք և ցածր տեսանելիություն:

Ապրիլի 3-ին օրվա երկրորդ կեսին և 4-ի գիշերը շրջանների զգալի մասում, 4-ի ցերեկը, 6-ին արևելյան շրջաններում սպասվում են տեղումներ, լեռնային և նախալեռնային գոտիներում ձյան տեսքով:
5-ին և 7-ին սպասվում է առանց տեղումների եղանակ:
Քամին արևմտյան 2-7մ/վրկ, ապրիլի 3-ին առանձին վայրերում սպասվում է քամու ուժգնացում` 15-20մ/վրկ:
Օդի ջերմաստիճանը ապրիլի 3-ի ցերեկը կնվազի 3-5 աստիճանով, 5-ին նույնքանով կբարձրանա :

Երևանում՝

Ապրիլի 3-ին օրվա երկրորդ կեսին և 4-ի գիշերը հնարավոր է թույլ անձրև, 4-ի ցերեկը, 5-7-ին սպասվում է առանց տեղումների եղանակ:

Երևանի ապրիլի 3-ի բազմամյա կլիմայական տվյալներ
• Օդի առավելագույն ջերմաստիճան    24.5⁰C (2001 թ.)
• Օդի նվազագույն ջերմաստիճան       -2.0⁰C  (1982 թ.)
• Օդի միջին օրական ջերմաստիճան    11.0⁰C