Իտալիայում կալանավորվել են Վենետոյի անկախության հանրաքվեի հարցով 24 կազմակերպիչներ
21:21 , 2 ապրիլ, 2014
1in.am-ը գրում է.
Իտալիայի ոստիկանությունը կալանավորել է Վենետո մարզի անկախության հանրաքվեի հարցով 24 ակտիվիստ-կազմակերպիչների՝ հայտնում է ITAR-TASS-ը:
Ինչպես հայտնել են Բրեշիա քաղաքի դատախազությունից, որը տվել է կալանավորման հրաման, ձերբակալվածները մեղադրվում են «տարբեր ակցիաների, այդ թվում՝ ծայրահեղական ու բռնությունների նախապատրաստման մեջ»:
Կալանավորվածների թվում է նախկին խորհրդարանական, «Վենետո լիգայի» հիմնադիր Ֆրանկո Ռոկետտան: Նա վերջերս մարզում անցկացված Վենետոյի անկախության խորհրդատվական հանրաքվեի կազմակերպիչներից է:
Ինչպես հայտնել են դատախազությունից, առգրավված իրերի ցանկում եղել է նաև ինքնաշեն տանկ: Քննիչների փոխանցմամբ՝ այն իրենից կատարելագործված տրակտոր է ներկայացնում: