Քեսաբի քաղաքապետը հերքում է հայերի սպանությունների մասին տեղեկությունները

Gala TV.am-ը գրում է.

Քեսաբի քաղաքապետ Վազգեն Չափարյանը, ով այս պահին շարունակում է ժամանակավորապես բնակվել Լաթաքիայում հազարավոր գաղթական քեսաբահայերի հետ,ԳԱԼԱ-ի հետ զրույցում հերքեց այսօր առավոտից տարբեր լրատվական աղբյուրների տարածած տեղեկություններն այն մասին, որ հայեր են սպանվել:

«Սպանված հայեր չկան, այդ խոսակցությունները չգիտեմ ինչի համար են: Հակառակը՝ հայերը շարունակում են գալ, եւ մենք արդեն Քեսաբի շրջանի ողջ բնակչությանը տեղավորել ենք Լաթաքիայի ակումբներում եւ դպրոցներում: Նրանք բոլորն էլ ապահովված են առաջնային անհրաժեշտության սնունդով եւ այլ անհրաժեշտ պարագաներով»:

Քեսաբի քաղաքապետն ասաց նաեւ, որ այսօր առավոտից հաջողությունը Սիրիայի բանակի կողմն է անցել, եւ սիրիական կողմին հաջողվել է հետ գրավել Քեսաբի հարակից տարածքները, գյուղական բնակավայրերը:

Ամբողջական հոդվածը կարող եք կարդալ այստեղ