Հանրային հեռուստատեսությամբ հեռարձակվող «Մեր մեջ ասած» ժամանցային հեռուստածրագիրը հայ հասարակության կողմից, կարծես թե, ընդունվեց. դրանում մեծ դեր խաղացին հենց հաղորդավարուհիները, որոնք, մեր մեջ ասած, հասցրել են վայելել հեռուստադիտողների համակրանքը: Դերասանուհի Իրինա Դանիելյանը, ով հաղորդման չորս հաղորդավարուհիներից մեկն է, ևս այդ կարծիքին է: Life.panorama.am-ը վերջինիս հետ զրուցել է հաղորդման, թատրոնում, սերիալներում խաղալու, նրա կերտած կերպարների և այլ թեմաների շուրջ ու պարզել՝ ինչպիսին է դերասանուհու կողքի տղամարդը:
-«Մեր մեջ ասած» հաղորդումը, կարծես, սիրվեց հեռուստադիտողի կողմից, կարծում եք՝հայ կանանց և, առհասարակ, հեռուստադիտողներին, ամենաշատն ի՞նչն է գրավումհաղորդման մեջ:
-Գրավում են անմիջականությունը, հաղորդավարների միջև ծավալվող հաճելի զրույցները: Բացի այդ՝ «Մեր մեջ ասած»-ն ունի նաև տեղեկատվական գործառույթ: Մենք հաղորդում ենք տեղեկություններ, որոնք շատերին հայտնի չեն, խոսում ենք մտածելու տեղիք տվող թեմաներից, օրինակ՝ բռնությունից:
-Հաղորդավարի աշխատանքին զուգընթաց հասցնո՞ւմ եք խաղալ թատրոնում:
-Այո, այժմ Կամերային թատրոնում խաղում եմ «Նազար» ներկայացման մեջ: Կարծում եմ՝ նազարների թեման միշտ արդիական է և ներկայացման մեսիջը հասնում է հանդիսատեսին: Նազարները եղել են, կան ու կլինեն:
-«Ջին- Ջան» ներկայացման մեջ տեսնում ենք ակնարկ՝ կանանց սին ու անհասկանալիցանկությունների մասին. դրանցից ինքներդ ունեցե՞լ եք:
- Չէի ասի, որ ես այդ տեսակն եմ. հիմնականում գիտեմ՝ ինչ եմ ուզում:
- Ձեր կողքին կա՞ այն տղամարդը, ում համար այդ անհասկանալի ցանկություններըհասկանալի են:
-Իմ կողքին միշտ հենց այդպիսի տղամարդ է լինում: