Թուրքիայում լրտեսության մեղադրանքով կալանավորվել է հայտնի լրագրող Օնդյար Այթաջը

1in.am-ը գրում է.

Հետաքննության շրջանակում, որն սկսվել էր Թուրքիայի ԱԳՆ-ում Սիրիայի հարցով գաղտնի նիստի ձայնագրության տարածման փաստով, լրտեսության մեջ մեղադրանքով կալանավորվել է հայտնի լրագրող Օնդյար Այթաջը: 

Ինչպես հայտնում է APA-ն, հղում կատարելով թուրքական ԶԼՄ-ներին, Անկարայում ձերբակալվել է նախկին ոստիկան Օ. Այթաջը, որը մոտ է Ֆաթուլլա Գյուլենի համայնքին:

Այթաջը մարտի 26-ին «Սամանյոլու» հեռուստաալիքով ելույթում հայտարարել էր Թուրքիայի կառավարության մտադրության մասին՝ ռազմական միջամտություն կատարել Սիրիայում ընտրությունների նախօրեին: 

Ելույթից մի քանի օր անց համացանցում տարածվեց գաղտնի ձայնագրությունը: Դրանից պարզ էր դառնում, որ Թուրքիայի արտգործնախարար Ահմեդ Դավութօղլուն, ԱԳՆ ապարատի ղեկավար Ֆիրուդին Սինիրլիօղլուն, Ազգային հետախուզության ղեկավար Հաքան Ֆիդան և Զինված ուժերի գլխավոր շտաբի պետ Յաշար Գյուլյարը գաղտնի նիստում քննարկում են Սիրիա ռազմական միջամտության պատճառներ գտնելու հարցը: