1936թ. Նոբելյան մեդալը աճուրդում վաճառվել է 1,1 մլն դոլարով

1in.am-ը գրում է.

1936թ. Նոբելյան մեդալը, որը շնորհվել էր Խաղաղության նոբելյան մրցանակակիր, Արգենտինայի արտգործնախարար Կառլոս Լամասին, աճուրդում վաճառվել է 1,1 մլն դոլարով, հայտնում է Reuters-ը:

Մեդալը գնել է անանուն ասիացի հավաքորդ: Աճուրդն անցկացրել է Բալթիմորի Stacks Bowers աճուրդի տունը:

Մրցանակի նախնական արժեքը 100 հազար դոլար էր՝ հայտնում է Lenta.ru-ն: 

Մեդալը վաճառել է նյույորքցի մասնավոր հավաքորդ, որին այն պատկանել է վերջին մի քանի տասնյակ տարում: 

Մեդալը Կառլոս Լամասին տրվել է 1932-1935թթ. Պարագվայի ու Բոլիվիայի միջև ընթացող պատերազմի դադարեցման հարցում ունեցած օժանդակության համար: