Առաջին դեպքը չի, որ Թուրքիայում արգելափակվում է YouTube-ը
09:48 , 28 մարտ, 2014Panorama.am-ը գրում է.
Այն բանից հետո, երբ Youtube վիդեպորտալի միջոցով համացանցում հայտնվեց Թուրքիայի արտգործնախարարի, հետախուզության պետի և ԶՈւ գլխավոր շտաբի պետի տեղակալի Սիրիա ներխուժման պլանի քննարկման գաղտնալսված ձայնագրությունը, Թուրքիայի ինտերնետ-տիրույթում արգելափակվել է Youtube-ը: Անորոշ ժամանակով արգելափակման որոշումը կայացվել է Թուրքիայի կառավության Կապի և հեռահաղորդակցության վարչության (TİB) կողմից, որի մասին պաշտոնական հաղորդագրություն կա նշյալ վարչության կայքում:
Սա առաջին դեպքը չի, որ Թուրքիայում արգելափակվում է YouTube-ը: 2008 թվականին այդ կայքն արգելափակվել էր Թուրքիայում: Եվ երբ լրագրողները Հնդկաստան մեկնող վարչապետ Ռեջեփ Թայիփ Էրդողանին օդանավում ասել էին, որ չեն կարողանում մուտք գործել YouTube, Էրդողանն արձագանքել էր. «Ես կարողանում եմ մտնել, դուք էլ մտեք»: Ենթադրվում է, որ նա նկատի է ունեցել DNS և VPN ծրագրային լուծումների օգտագործումը:
Ամբողջական հոդվածը կարող եք կարդալ այստեղ