Պատերազմից կրած վնասները 10 անգամ ավելի են, քան խոստովանում է Ասադի ռեժիմը

1in.am-ը գրում է.

Սիրիայի վարչապետ Վալիդ Ալ-Հալկին հայտարարել է, որ Սիրիան երեք տարվա ռազմական գործողությունների հետևանքով 4,7 տրիլիոն ֆունտի, որը գրեթե 31,2 միլիարդ դոլար է կազմում, վնաս է կրել: 

Այս թվերի հետ համաձայն չէ սիրիական ընդդիմությունը: Դրա գնահատականներով՝ վնասները գերազանցել են 300 միլիարդ դոլարը: 

«Սիրիայի անցումային կառավարության» ֆինանսների նախարար Ուսամ Կադին հայտարարել է, որ վնասների 80%-ի վերականգման համար 10 տարի հարկավոր կլինի: Նրա կարծիքով՝ պատերազմն ավարտվելուց հետո առաջին հինգ տարիների համար կհաջողվի վերականգնել Սիրիայի արդյունաբերական սեկտորի միայն 50%-ը: