Լուսանկարիչն ի կատար է ածում հիվանդ երեխաների երազանքները (28 Photo)
21:45 , 26 մարտ, 2014Կանադացի լուսանկարիչ Շոն վան Դելը նախաձեռնել է «The Drawing Hope» նախագիծը: Նա վերցնում է հիվանդ երեխաների նկարները, ովքեր երազում են ապաքինվելու մասին, և նրանց հիման վրա ստեղծում է կախարդական լուսանկարներ, որոնց գլխավոր հերոսները հենց երեխաներն են: Շոնը կարծում է, որ այդ նախագիծը ողջ ընտանիքին մի փոքր ուժ կտա հիվանդության դեմ պայքարելու համար: Լուսանկարները նա վաճառում է, իսկ ստացված գումարը ուղարկում է պատանի հերոսներին: Լուսանկարիչը կոչ է անում նրանց երբեք չկորցնել հույսը, քանի որ այս կյանքում ամեն ինչ հնարավոր է:
Ռայլին սրտերի թագուհին է
7 ամսեկանում Ռայլիին սրտի փոխպատվաստում են իրականացրել:
Դևիդը աստղերի պահապանն է
Դևիդը ծնվել է սրտի ձախ կողմի թերզարգացմամբ: Նա արդեն երեք վիրահատություն է ունեցել, և չնայած, որ հետագայում նրան հարկավոր կլինի փոխպատվաստում, նա գիտի, որ իր բոլոր երազանքները կիրականանան:
Չենսը կապիտան է
2011թ.-ին Չենսի մոտ ախտորոշեցին սուր լիմֆոբլաստային լեյկոզ: Նրա քիմիոթերապիան կտևի մինչև 2014թ.-ի հոկտեմբերը: Ապրելու ցանկությունը մեծ ուժ է տալիս Չենսին և նրա ընտանիքին:
Ալեքսանդրիան քաղցրավենիքի թագավորության թագուհին է
Ալեքսը ծնվել է լյարդի թերզարգացմամբ: Մեկ ամսեկանում նա վիրահատության ենթարկվեց, բայց երեք ամիս անց պարզվեց, որ փոխպատվաստում է հարկավոր: Բարեբախտաբար, պահանջվող օրգանը գտան 8 օրում: Ալեքսի նոր կյանքը հնարավոր դարձավ միայն դոնորի շնորհիվ:
Դոունսոնը կղզու ծովահենն է
Դոուսենի մոտ մինինգիտ զարգացավ, երբ նա միայն 2 ամսեկան էր: Դրա հետևանքով ուղեղում արյունահոսություն սկսվեց, ինչպես նաև բորբոքումներ երիկամներում և միզապարկում: Իր կյանքի առաջին տարիները նա անցկացրեց հիվանդանոցում՝ պայքարելով հիվանդության դեմ: Ժամանակի մեծ մասը Դոունսոնն անցկացնում է անվասայլակում, բայց դա նրան չի խանգարում երազել:
Սեդին արևաշող արքայադուստր է
Սեդին չի կարող տանից դուրս գալ առանց արևապաշտպան որևէ իրի: Ժամանակի մեծ մասը նա անցկացնում է մթության մեջ: Բայց նրա պայծառ ժպիտով հնարավոր է ամեն ինչ, նույնիսկ արև՝ արևածաղիկներից:
Դոմինիկը ժամանակի միջով ճանապարհորդող է
Դոմինիկը ծնվել է Դաունի ախտանիշով և սրտային անբավարարվածությամբ: Նա բազմաթիվ վիրահատությունների է ենթարկվել և մարդկանց հետ շփվում է միայն ժեստերի միջոցով: Բայց այդ ամենը չի անդրադառնում Դոմինիկի բարձր ծիծաղի և արկածների հանդեպ կիրքի վրա:
Մարկոն հետազոտող է
Մարկոյի կյանքի 34-րդ օրը նրան սրտի փոխպատվաստում իրականացրեցին: 4 տարեկանում նա կարողացավ հաղթահարել քաղցկեղը: Մարկոյի համար ամեն ինչ հնարավոր է թվում:
Քեյսին լուռ հեշտակ է
Քեյսին ծնվել է Ռետտա ախտանիշով (մտավոր հետամնացություն, որը միայն աղջիկների մոտ է հանդիպում): 14 տարեկանում նա դադարեց խոսել, կորցրեց նոր ձեռք բերած շարժողական ունակությունները: Քեյսիի նման աղջիկներին անվանում են «լուռ հրեշտակներ»: Հիմա նա 21 տարեկան է և շփվում է միայն ծիծաղի և ժպիտի միջոցով:
ՄակԿեննան ճակատագրի արքայադուստրն է
ՄակԿեննան ծնվել է ֆիզիկական թերզարգացմամբ, որի պատճառով 4 ամսեկանում ստիպված էր վիրահատության ենթարկվել: Աղջկա մոտ հեռացրել էին գանգի մի մասը, որպեսզի խուսափեն ուղեղի լուրջ վնասվածքներից: Բացի այդ, ՄակԿեննան տառապում է աուտիզմով, բայց հավատում է հրաշքների:
Ջեկը Հույսի փողոցների հերոսն է
Ջեկը ծնվել է լյարդի հազվադեպ հանդիպող հիվանդությամբ: Փոխպատվաստումը փրկել է նրա կյանքը: Ջեկը բազմաթիվ վիրահատությունների է ենթարկվել, իսկ շուտով նրան սպասվում է ևս մեկը:
Քուպերը հրաշագործ է
Քուպերը 5 տարեկանից պայքարում է Ստիկլերի ախտանիշի դեմ, որն ազդում է աչքերի, լսողության, մկանների վրա, և արտրիտ է առաջացնում: Բայց դա երեխային չի խանգարում հավատալ հրաշքներին, և նրան, որ այս կյանքում ամեն ինչ հնարավոր է:
Քայլան անտառի պահապանն է
Երբ Քայլան 9 տարեկան էր, նրա մոտ ախտորոշեցին Կրոնի հիվանդությունը՝ աղիքային բորբոքային հիվանդություն: Ամեն օր նա փորձում է վերահսկել հիվանդությունը, որպեսզի կարողանա զբաղվել ձիարշավով: Ներկայումս գոյություն չունի հիվանդությունը բուժող դեղորայք, բայց Քայլան չի հուսալքվում:
Նաոմին աշխույժ թիթեռնիկ է
Նաոմին 5 տարեկան է, և նրա մոտ միոպատիա է ախտորոշված: Մինչև երկու տարեկանը նա չէր կարողանում շարժվել, իսկ հիմա կարող է երգել և պարել: Նաոմին շուտ է հոգնում, նա փորձում է հաղթահարել բոլոր դժվարությունները, որպեսզի ոգեշնչի իրեն շրջապատող մարդկանց: Կարևորը սեփական ուժերին հավատալն է: