Աշխարհի ամենաանսովոր 9 մոդելները (photo)

Ասում են, թե մարդու գեղեցկությունը նրա աչքերում է թաքնված: Այս հոդվածում ներառված սովորական մոդելների համար այս խոսքը երբեք ավելի ճշմարիտ չէր հնչել:

 1  Մկանային դիստրոֆիայով տառապող կինը կատակով դիմել է նորաձևության մոդելի աշխատանքի համար ու ստացել այն

Ջիլիան Մերկադոն նորաձևություն լուսաբանող լրագրող է: Մերկադոն տառապում է մկանային դիստրոֆիայով ու անվասայլակ է օգտագործում: Նորաձևության ամսագրում աշխատելով՝ նա հանդիպում է «Diesel» նորաձևության տան գեղարվեստական ղեկավար Նիկոլա Ֆորմիչետտիին: Մի քանի ամիս անց, երբ «Diesel»-ը քասթինգ էր անցկացնում երիտասարդ մոդել գտնելու համար, ով կարող էր մշակութային բազմազանություն ներկայացնել, Մերկադոն զուտ կատակով դիմում է:

Շուտով նա էլ. նամակ է ստանում, որտեղ նրան տեղեկացնում են, թե կազմակերպությունում հավանել են նրա կերպարը, ու նրան խնդրում են մի քանի ուրիշ լուսանկար ուղարկել: 22 այլ մոդելների հետ Մերկադոն ընտրվում է որպես Diesel-ի հաջորդ արշավի դեմք:

Երբ լուսանկարիչներն աշխատում էին նրա հետ, Մերկադոն չէր թաքցնում իր անվասայլակը, սակայն նա անհանգստանում էր, թե հանրության կողմից ինչպես կընդունվեն լուսանկարները, երբ դրանք հայտնվեն Ինստագրամում: Ի ուրախություն՝ մարդիկ դրականորեն են ընդունել դրանք:

 2  85-ամյա մոդելը մինչ այսօր Lingerie ներքնազգեստ է գովազդում

Մոդել Դաֆնի Սելֆը ապացուցում է, որ երիտասարդությունն ու գեղեցկությունը այնքան էլ փոխկապակցված չեն, որքան շատերն են կարծում: Այս տատիկը 60 տարի է, ինչ զբաղվում է մոդելային կարիերայով, ու մինչ այսօր կատարյալ տեսք ունի: Լինելով 85 տարեկան՝ նա բրիտանական պոդիումների ամենատարիքով մոդելն է, ով մասնակցում է Dolce & Gabbana, Tata-Naka և Michiko Koshino-ի ցուցադրություններին:

 3  Շիլաչք մոդելը, ով կոտրել է նորաձևության գեղեցկության ստանդարտները

Մոֆֆին բոլոր սուպերմոդելների նման չէ: Նա երիտասարդ, գեղեցիկ, տաղանդավոր ու մարմնի ճիշտ կառուցվածք ունեցող մոդել է, սակայն կա մի բան, որ նրան առանձնացնում է բոլորից` նա աչքերի շիլություն ունի:
Ֆիզիկական թերություններ ունեցող աղջիկները հնարավորություն չեն ունենում իրենց կարիերան ստեղծել մոդելային ասպարեզում, սակայն Մոֆֆիի դեպքում հենց նրա շեղաչք լինելը նրան օգնել է հաջողության հասնել ու շատերին գերել իր տեսքով:

Մոֆֆիի մաքուր ու բնական գեղեցկությունը գերել է Storm մոդելային գործակալությանը, որտեղ առաջին անգամ նկատել էին նաև Քեյթ Մոսին: Մոֆֆիի լուսանկարները տեղ են գտնել այնպիսի հայտնի ամսագրերում, ինչպիսին Pop-ն է:

 4  Ամպուտացված ոտքով նախկին նավաստին իր երկրորդ կարիերան է զարգացնում՝ աշխատելով ֆիտնես մոդել

Նավատորմի նախկին նավաստի 24-ամյա Ալեքս Մինսկին չորս տարի առաջ կորցրեց իր աջ ոտքի մի մասը ու գրեթե կորցնում էր իր կյանքը Աֆղանստանում ծառայության ընթացքում ականի պայթյունից:

Մինսկին կարողացել է պրոթեզային ոտքով քայլել սովորել: Մի օր մարզասրահում մարզվելու ժամանակ նրան են մոտենում ու հարցնում, թե երբևէ աշխատել է որպես մոդել: Նրան մոտեցողը լուսանկարիչ Թոմ Քուլիսն էր, ում հետ էլ նա սկսում է իր երկրորդ կարիերան՝ այս անգամ մոդելային ասպարեզում:
Իր առաջին լուսանկարներից հետո մինչ օրս Մինսկին շարունակում է գրավել համացանցը՝ իր մարմնի կատարյալ կառուցվածքով ու գեղեցիկ դաջվածքներով:

 5  Աշխարհի ամենաբարձրահասակ մոդելը, ով 2,2մ հասակ ունի

34-ամյա Ամազոն Իվը աշխարհի ամենաբարձրահասակ մոդելն է: Նա նաև հայտնի է որպես Էրիկա Էրվին: Շատ կանայք ու տղամարդիկ նրա կողքին գաճաճ են թվում: 

Էրիկան իր մոդելային կարիերան սկսել է 4 տարի առաջ, երբ հայտնվեց Զoo Weekly ամսագրի շապիկին: Մինչ այդ նա աշխատել է նաև քաղաքական լոբբիստ, անձնական մարզիչ: Իսկ այժմ նա նաև հավելյալ գումար է աշխատում՝ 400 դոլար վճարի դիմաց տղամարդկանց թույլ տալով իր հետ ըմբշամարտով զբաղվել:

14 տարեկանում նա արդեն 175 սմ հասակ ուներ: Իվը միշտ երազել է Հոլիվուդյան աստղ դառնալու մասին, սակայն նրան կամ այլմոլորակայինների, կամ էլ հրեշների դերեր են առաջարկել: 2013թ.-ին Իվը նկարահանվել է «hwmlock Grove» հեռուստաֆիլմաշարում:

 6  Կինը, ով աշխատում է որպես տղամարդ մոդել

35-ամյա Քեյսի Լեգլերը բացառապես տղամարդկանց հագուստ է ներկայացնում: Լեգլերը պայմանագիր է կնքել Ford մոդելային գործակալության հետ:
Նա իր մոդելային կարիերան սկսեց այն ժամանակ, երբ նրա ընկերներից մեկը` լուսանկարիչ Քես Բըրդը, նրան հրավիրեց Muse ամսագրի համար մասնակցելու ֆոտոնախագծի, որտեղ պետք է լուսանկարվեր տղամարդու կերպարում: Նրա լուսանկարները տեսնելուց հետո Ford մոդելային գործակալությունը հենց հաջորդ օրը կապվել է Քեյսի Լենգլերի հետ` աշխատանքի առաջարկություն անելու համար:

 7  Պլյուս չափսի մոդել, ով ունի աշխարհի ամենամեծ կոնքերը

Լոս Անջելոսից Միքել Ռուֆինելին աշխարհի ամենալայն կոնքերն ունեցող կինն է: Նրա կոնքերի լայնությունը հասնում է 254 սմ-ի, ինչը նշանակում է, որ դռների միջով անցնելիս նա դժվարությունների է հանդիպում, իսկ տրանսպորտից օգտվելու համար նրան երկու նստատեղ է անհրաժեշտ լինում: 

Միքելը բեռնատար է վարում, որովհետև սովորական մեքենայում տեղավորվելւ դժվար է նրա համար: Ինչևէ, նա չի ցանկանում նիհարել ու հպարտանում է իր կազմվածքով: Այսօր նա գեր ու գեղեցիկ կանանց մասին մի վեբկայքի համար մոդել է աշխատում` յուրաքանչյուր նկարահանման համար վաստակելով 1000 դոլար:

 8  Տգեղ տղամարդիկ ու կանայք, ովքեր տգեղ մարդկանց համար մոդելային  գործակալությում մոդել են աշխատում

Գովազդային բիզնեսում բազմաթիվ մոդելներ են աշխատում, սակայն նրանցից բոլորը չեն, որ «սուպերմոդելներ» են:
Քասթինգներում երբեմն պահանջվում են ինչ-որ հատուկ կամ տարօրինակ տեսք ունեցող մարդիկ: Լոնդոնում գոյություն ունի գովազդային գործակալություն, որը մասնագիտացված է տարօրինակ տեսք ունեցող դերասաններ ու մոդելներ հավաքագրելով: Այստեղ հավաքագրվող մոդելները դասակարգվում են «թզուկներ», «բայքերներ», «երկվորյակներ», «բոդիբիլդինգով զբաղվողներ», «մեծ քանակությամբ պիրսինգով» կամ «դաջվածքներով» մարդիկ:

 9  72-ամյա պապիկը, ով դեռահաս աղջիկների հագուստ է գովազդում

2012թ.-ին համացանցում հայտնվեցին 72-ամյա չինացի տղամարդու լուսանկարները, ով դեռահաս աղջիկների հագուստ էր գովազդում: Այն, ինչ իրականում որպես հումոր սկսվեց, շուտով գովազդային մեծ ու հաջողված արշավ դարձավ: 

Չինաստանից Լիու Խիանպինգը առաջին մեծահասակ տղամարդ մոդելն է, ով համացանցում մեծ հաջողությունների է հասել՝ դեռահաս աղջիկների հագուստ գովազդելով իր թոռնուհու նորաձևության խանութի համար: Պապիկի ինքնավստահությունն ու կազմվածքը միլիոնավոր մարդկանց է գերել ու վաճառքն ավելացել է 5 անգամ: