Իրաքի նախագահի անվտանգության աշխատակիցը լրագրողի է սպանել

1in.am-ը գրում է.

Իրաքի նախագահի անվտանգության աշխատակիցը կրակել է լրագրողի վրա՝ հաղորդում է Agence France-Presse-ը՝ հղում կատարելով կառավարության աղբյուրին:

Գործակալության տվյալներով՝ մարդասպանը բրիգադի սպա է, որը հսկում է Ջալալ Թալաբանիի՝ Բաղդադում գտնվող նստավայրը: Նրա զոհն է դարձել «Ազատ Իրաք» ռադիոկայանի գլխավոր խմբագիր Մուհամեդ Բիդայվին: 

Հրաձգությունը տեղի է ունեցել այն բանից հետո, երբ լրագրողի և իրավապահի միջև սկսվել է վիճաբանություն: Ներկա պահին վիճաբանության պատճառները ճշտվում են: 

Դեպքից անմիջապես հետո սպան փախուստի է դիմել: Իրաքի իշխանությունները կասկածում են, որ նրան հավանաբար թաքցնում են գործընկերները: Վերջիններից պահանջվել է հանցագործին հանձնել իշխանություններին՝ գրում է gazeta.ru-ն: