Բուենոս Այրեսի տներից մեկում հայտնաբերվել է մումիայի վերածված կնոջ մարմին

1in.am-ը գրում է.

Բուենոս Այրեսի տներից մեկում հայտնաբերվել է բնական ճանապարհով մումիայի վերածված կնոջ մարմին, որը հայտնաբերել է նրա հարևանուհին: Վերջինս նրան չէր տեսել ավելի քան 10 տարի՝ հաղորդում է Agence France-Presse-ը: 

Նշվում է, որ 1953թ. ծնված Մարիա Ֆոնտանայի աճյունը ուսումնասիրվում է՝ պարզելու նրա մահվան հանգամանքները: Ինչպես ենթադրում է հետաքննությունը, կինը մահացել է 51 տարեկանում՝ սրտային հիվանդության պատճառով: 

Բնական ճանապարհով մումիայի վերածման գործընթացը կարող է տեղի ունենալ տաք ու չոր կլիմայի պայմաններում: 

Նրա աճյունը հայտնաբերել էր հարևանուհին, որը մտել էր վերջինիս բնակարան՝ ենթադրելով, թե այն լքված է: