Չեխական գարեջուր՝ պատրաստված կակտուսից

1in.am-ը գրում է.

Չեխիայի գարեջրագործները փորձնական գարեջուր են պատրաստել նոպալ կակտուսի հիման վրա: Այս մասին գրում է Ria Novosti-ն՝ վկայակոչելով մեքսիկական մամուլին:

Նոպալն աճում է Մեքսիկայում, իսկ Չեխիա են այն մատակարարում փշերից մաքրված տերևների տեսքով: Հետո այն չորացնում են և դարձնում փոշի, որից էլ արտադրվում է ըմպելիքը:

Այժմ արդեն պատրաստ է առանց ալկոհոլի գարեջրի առաջին խմբաքանակը՝ 20 հեկտոլիտր, որը, ըստ ստեղծողների, շատ հարմար է շաքարախտով տառապողների և մարզիկների համար: Բացի այդ, արտադրվել է նոպալի հիման վրա ալկոհոլային գարեջրի 40 հազար շիշ: