Մուսուլմանները այսօր նշում են գարնան տոնը՝ Նովրուզը

1in.am-ը գրում է.

Ուրբաթ մուսուլմանները նշում են գարնան տոնը՝ Նովրուզը, «պարսկական Նոր տարի»: Այս մասին հաղորդում է RIA Novosti-ն:

Նովրուզ թարգմանաբար նշանակում է «նոր օր», Նոր տարվա գալուստ՝ ըստ արևային օրացույցի, որը համընկնում է գարնան օրահավասարի հետ: Համարվում է, որ Նովրուզի արմատները գալիս են զրադաշտականությունից: Պատմաբանները համարում են, որ այն նշում են ավելի քան 3000 տարի, իսկ տոնի հայրենիքը Խորասանն է:

2009թ. ՅՈՒՆԵՍԿՕ-ն Նովրուզը ներառել է մարդկության ոչ նյութական մշակութային ժառանգության ցուցակում: Իսկ 2010թ. ՄԱԿ-ի Գլխավոր ասամբլեան մարտի 21-ը հռչակել է Նովրուզի միջազգային օր: