Սոնա Շահգելդյանը, Սամվել Գրիգորյանը և Արփինե Բեկջանյանը՝ Կարեն Մկրտչյանին նվիրված բարեգործական համերգին մասնակցելու և չմասնակցողների մասին

Մարտի  30–ին Առնո Բաբաջանյանի անվան համերգասրահում տեղի կունենա բարեգործական համերգ՝ նվիրված Կարեն Մկրտչյանին: Համերգի ողջ հասույթը փոխանցվելու է դերասանի բուժման նպատակով: Համերգին մասնակցելու են ոչ միայն հայկական շոու բիզնեսի ճանաչված երգիչներ, այլ նաև հանրությանը ոչ հայտնի մարդիկ: Ըստ  շրջանառվող լուրերի, հայտնիներից շատերը հենց այս պատճառով չեն համաձայնել մասնակցել համերգին:

ArmՏtar.am-ն այս բարեգործականին համերգի մանրամասներին կծանոթանա հենց կազմակերպիչներից, կխոսի մասնակիցներ Սոնա Շահգելդյանի, Սամվել Գրիգորյանի և Արփինե Բեկջանյանի հետ:

«Կան երգիչներ, ովքեր մեծ սիրով կցանկանային մասնակցել համերգին, բայց ինչ-ինչ պատճառներով չկարողացան: Համերգին մասնակցել ցանկացողները շատ են, բայց ցավոք սրտի, ծրագրային և ժամանակային առումով չենք հասցնի: Հնարավոր է ակումբային տարբերակով նման համերգ ևս լինի, և այդ մարդիկ ևս ելույթ ունենան: Եղել են երգիչներ, ովքեր չեն ցանկացել մասնակցել համերգին, քանի որ բեմում լինելու են ոչ այդքան հայտնի մարդիկ, , բայց նրանց անունները չենք ցանկանում նշել, քանի որ մենք չենք անում այս համերգը գովազդի կամ ինքնագովազդի համար:

Համերգի հասույթը փոխանցելու ենք Կարենի ընտանիքի անդամներին հենց այդ օրը, բայց հստակ չենք կարող ասել, թե որքան կհավաքվի, քանի որ համերգից հետո կլինի նաև դրամահավաք»,- նշեցին համերգի կազմակերպիչներ Դինելը և Նարինե Ոսկանյանը (Պաուզա Անո):

Սոնա Շահգելդյան

Ինչը՞ ստիպեց Ձեզ մասնակցել այս բարեգործական համերգին, պարզապես այն, որնվիրված էր Կարեն Մկրտչյանի՞ն:

Նախ նշեմ, որ միշտ եմ բարեգործական համերգների մասնակցում և չեմ սիրում դրանց մասին բարձրաձայնել: Պարզապես այդ ամենը կատարում եմ մեծ սիրով, սրտանց և խղճով:  Ինչքան  էլ զբաղված եմ լինում, միշտ մասնակցում եմ նման համերգների: Բարեգործական համերգների ժամանակ է երևում՝ ով է  իրոք սրտացավ, իսկ Կարենին շատ հարգում և սիրում եմ  որպես լավ մարդ և լավ դերասան: Օգնելը հարստության հետ կապ չունի. մարդ լինելն ի վերուստ է:

Եղել են երգիչներ, ովքեր հրաժարվել են համերգին մասնակցելուց, քանի որ բեմում սկսնակերգիչներ են  լինելու, ի՞նչ կասեք այդ մասին:

Ովքեր չեն  մասնկացել, իրենց  խնդիրն է: Ինչ կապ ունի՝ ով է  լինելու բեմում: Ողջունում եմ այն երգիչների քայլը, ովքեր մասնակցում են այս համերգին: Շնորհակալ եմ կազմակերպիչներին: Սիրով կօգնեմ բոլորին:

Սամվել Գրիգորյան

Ինքս 23 տարվա աշխատանքային գործունեությանս ընթացքում, երևի թե առանց չափազանցելու, հազարից ավել բարեգործական համերգների եմ մասնակցել: Այստեղ էական չէ՝ Կարենն է, Վարդանն է, թե Անահիտը: Երբ գիտես, որ քո կարիքն ունեն մարդիկ, երբ դու կարող ես ինչ-որ բանով օգնել, պետք է օգնես: Միանշանակ կապ չունի անձը, ծանոթ լինելը, հայտնի լինելը: Պարզապես պետք է բարի գործ կատարես: Աստված առաջ, որ Կարենի մոտ ամեն ինչ լավ լինի:

Շարունակությունը՝ այստեղ